தமிழும் அதன் நிலமும்
இருளாக்கப்படுகிறது என்கிறேன்,
நீயோ
இரவுகள் இனிமையானவை என்று
கவி பாடிக் கொண்டிருக்கிறாய்...
நானும் நீயும்
தவண்டு,
புட்டிப்பால் குடித்து புரண்டெழுந்து,
எம் தமிழ்
கூவித் திரிந்த தெருக்களெல்லாம்,
எனதும் உனதும்
மொழி நசுக்கப்ட்டு
பிரித் ஓதப்பட்டுக் கொண்டிருக்கிறது என்கிறேன்,
புத்தன் தமிழுக்கு எதிரியில்லை என்று
அறம் சொல்கிறாய்...
உனக்காய் நீ தமிழ் எழுதினால்
இலக்கியவாதி,
தமிழுக்கும் நிலத்திற்குமாய்
நான் எழுதினால்
பயங்கரவாதி...
தமிழும் அதன் நிலமும்
இருளாக்கப்படுகிறது என்கிறேன்.
நீ மோசமான இனவாதி என்கிறாய்.
நீ மோசமான இனவாதி என்கிறாய்.
நீ எப்படியாவது இருந்துவிட்டுப் போ - ஆனால்
தேமதுரத்தமிழ் என் தாய் மொழி....
தேமதுரத்தமிழ் என் தாய் மொழி....
மா.குருபரன்
03-08-2011
உனக்காய் நீ தமிழ் எழுதினால்
இலக்கியவாதி,
தமிழுக்கும் நிலத்திற்குமாய்
நான் எழுதினால்
பயங்கரவாதி...
..... சரியாக சொல்லி இருக்கிறீர்கள்.
வருகைக்கும் கருத்தூட்டலுக்கும் மிக்க நன்றி சித்ரா... :) :)
///தமிழும் அதன் நிலமும்
இருளாக்கப்படுகிறது என்கிறேன்,
இரவுகள் இனிமையானவை என்று
கவி பாடிக் கொண்டிருக்கிறாய்...////
எப்போது எல்லோருக்கும் புரிய போகிறது என்பதுதான் தெரியவில்லை.
நன்றிகள் அனாமிகா. எல்லோருக்குமே இது புரியும்.. ஆனாலும் புரியாதது போல் நடிக்கிறார்கள்.